Vachanangalaruloo daivame lyrics malayalam

For lyrics in English click here\

(വചനങ്ങളരുളൂ ദൈവമേ  
തിരുവചങ്ങളരുളൂ  ദൈവമേ) -2
(കാഴ്ചയാം  വചനം   കേൾവിയാം  വചനം
കണ്ണീരുമായ്ക്കുന്ന   വചനം)-2
(തിരയെ  മുറിച്ചെത്തും ചെറുവഞ്ചിപോലെ
കടലലകളിൽ  ഒഴുകിവരും  വചനം)-2
(ഹല്ലേലൂയ്യ  ആഹാ  ഹല്ലേലൂയ്യാ)-3
ഹല്ലേലൂയ്യ  ഹല്ലേലൂയ്യ 

(പാതയാം വചനം പാവന വചനം
പാരിന്റെ  ദീപമാം വചനം )-2
(നിറവേറുമെന്നും  നിർമല  വചനം
ഇരുത്തലവാളതുപോലീ   വചനം )-2
(ഹല്ലേലൂയ്യ  ആഹാ  ഹല്ലേലൂയ്യാ )-3
ഹല്ലേലൂയ്യ  ഹല്ലേലൂയ്യ

(സൗഖ്യമാം  വചനം  ശാന്തിയാം  വചനം
ശല്യപ്പെടുത്തുന്ന  വചനം )-2
(മനസ്സിന്നു  മാറ്റം  വന്നിടുവാനായി
മരുഭൂമിയിലുയരുന്നൊരു  വചനം )-2
(ഹല്ലേലൂയ്യ  ആഹാ  ഹല്ലേലൂയ്യാ )-3
ഹല്ലേലൂയ്യ  ഹല്ലേലൂയ്യ

Althrayil aathma baliyayi lyrics malayalam

For lyrics in Malayalam click here

അൾത്താരയിൽ   ആത്മബലിയായി
അർപ്പിക്കാനായി    ഞാൻ   വരുന്നു
എല്ലാം  നിനക്കായി    നല്കാൻ 
ദേവാലയത്തിൽ    വരുന്നു

ഈ   കാഴ്ച വസ്തുക്കൾക്കൊപ്പം
കന്മഷം   ഇല്ലാത്ത   ഹൃത്തും   (2)
എല്ലാം   പൊറുക്കുന്ന   ചിത്തം
വല്ലഭാ   കാഴ്ച്ചയായേകാം  (2) (അൾത്താരയിൽ ……)

എൻ   സോദരർക്കെന്നോടെന്തോ
നീരസം   തോന്നുന്നപക്ഷം  (2)
തിരികെ   ഞാൻ   ചെന്നേവമേ കാം 
എല്ലാം   ക്ഷമിക്കുന്ന   സ്നേഹം  (2) (അൾത്താരയിൽ ..…)

Altharayil anuthaapamode annichernidaam lyrics malayalam

For lyrics in English click here

അൾത്താരയിൽ   അനുതാപമോടെ

അണിചേർന്നിടാം   അണിചേർന്നിടാം

അണിചേർന്നിടാം   ബലിയേകിടാം

(ബലിയർപ്പകനൊപ്പം  ബലിയായിടാം 

ബലവാനു  സ്തുതി   പാടീടാം  ) (2) (അൾത്താരയിൽ …)

(മാനവർക്കായി   ജീവനെ   നൽകി

മഹത്തരമാകുമീ   ബലിവേദിയിൽ ) (2)

(ആ   പുണ്യ   സ്മരണയിൽ   അനുരഞ്ജിതരായി

അർപ്പിതരാകാം   കൂദാശയിൽ ) (2) (അൾത്താരയിൽ …)

Altharayil poojya balivasthuvayidum lyrics malayalam

For lyrics in English click here

അൾത്താരയിൽ   പൂജ്യ   ബലിവസ്തുവായിടും
അഖിലേശ്വരനെന്നും   ആരാധന
ബലിവേദി   മുന്നിലായി   അണിചേർന്നു   നിന്നിവർ
ആത്മാവിൽ   അർപ്പിക്കും   ആരാധന
ഹല്ലേലൂയാ   ഹല്ലേലൂയാ   ഹല്ലേലൂയാ   ഹല്ലേലൂയാ

ഉള്ളിൽ   പുതുജീവ നാളം  തെളിച്ചു
നാവിൽ   തിരുനാമം   മന്ത്രം   ജപിച്ചു
കയ്യിൽ   ജീവിത   ക്രൂശും   പിടിച്
കർത്താവിനെ കാത്തു നില്കുന്നു  ഞങ്ങൾ 
ഹല്ലേലൂയാ   ഹല്ലേലൂയാ   ഹല്ലേലൂയാ   ഹല്ലേലൂയാ

തിരുവോസ്തി  രൂപനായി   മാറുന്ന   നേരം
തിരുമുമ്പിൽ   അർപ്പിക്കും   കാഴ്ചകളെ
കനിവോടെ   സ്വീകരിച്ചീ   ദാസരെ   നീ
കന്മഷഹീനരായി   മാറ്റേണമേ
ഹല്ലേലൂയാ   ഹല്ലേലൂയാ   ഹല്ലേലൂയാ   ഹല്ലേലൂയാ

Ennanini ennanini ennu naavil lyrics malayalam

For lyrics in English click here

(എന്നാണിനി  എന്നാണിനി  എന്ന്  നാവിൽ  നേരിൽ  ഞാൻ  കുർബാന  കൊള്ളും )-2
എന്നിനി  പ്രിയരോടുകൂടെ  പള്ളിയിൽ  നേരിട്ട്  കുർബാന  കൂടും
എന്നെന്റെ  ഇടവകയൊപ്പം  പള്ളിയിൽ  കൂട്ടായ്മ  ആഘോഷിച്ചീടും
 (മദ്ബഹമുന്നിൽ  മനസും  ശരീരവും  അർപ്പിക്കാൻ  ഇനി  എന്ന്  കഴിയും )-2

(തിരിമിന്നുമ്മൾത്താര   നേരിൽ  കണ്ടൊന്നെന്റെ മനമൊന്നുണരുന്നതെന്നു )-2
(മനസ്സിൽ  സ്നേഹം  മാലപ്പടക്കമായി  പൊട്ടുന്ന  പെരുന്നാള്  കൂടുന്നതെന്നു )-2
ആത്മനാ  അല്ല  സ്വപ്നത്തിലുമല്ലങ്ങേ  നേരിട്ടുൾക്കൊള്ളുന്നതെന്നു
തങ്ങളിൽ  തങ്ങളിൽ  കൈകൂപ്പി  നേരിൽ  സമാധാനം  നേരുന്നതെന്നു
ദൈവമേ  തിരുവിഷ്ടം  പോലെന്തും  വരട്ടെ  (എന്നാണിനി )

(പള്ളികൾ  തഴുതിട്ടു  വിജയിച്ചെന്നിരുളിലായി  സാത്താൻ  മൊഴിയുന്ന  നേരം )-2
ദൈവത്തിൻ  വീടുകൾ  അൾത്താരയായതു  കണ്ടോയെന്നോതുന്നു  ദൂതർ
ഗാർഹിക  സഭയിലെ  അൾത്താരയുണർന്നതു  കണ്ടോയെന്നോതുന്നു  ദൂതർ
ഏകനായ്  ബലിയർപ്പിച്ചതിലെന്നെയുമോർക്കുന്ന  ഇടയനെ  ചേർക്കുന്നു  നെഞ്ചിൽ 
ദൂരെയിരുന്നതിൽ  ആത്മനാ  കൂടുമ്പോൾ  മിഴി  തുളുമ്പുന്നെന്റെയീശോ
എല്ലാം വൈകാതെ  കലങ്ങിത്തെളിയും 
ഓര്മ  വച്ച  നാൾ  മുതൽ  ഓസ്തിയിൽ  കണ്ട  നാഥനെ  നുകരണം 
(കുഞ്ഞുനാൾ  മുതലിന്റെ  മാനസത്തിന്റെ  ഭാഗ്യമേ )-2

Nee cheruthayeesho enne valuthaakkuvan lyrics malayalam

For lyrics in English click here

നീ  ചെറുതായീശോ 
എന്നെ  വലുതാക്കുവാൻ
ഗോതമ്പുമണി  പോൽ  നീ
മുറിവുകൾ  നിണവാർന്നിതാ  
എന്റെ  പാപങ്ങളെ  ക്രൂശിനാൽ   മൂടി  നീ
അതിരില്ലാത്ത  ദയ  തൂകി  നീ  (നീ  ചെറുതായീശോ )

ക്രൂരതയുടെ  പിഴ  തേടിവന്നവർ
പക  വീട്ടുവാനായി താങ്ങി 
ആരവമോടെ   വിധി വാക്യ മോതാൻ
വിരൽ  ചൂണ്ടിനിന്നവർ  ചുറ്റും  
എന്റെ  വായ്  മൂടിയെൻ  നെഞ്ചിൽ  വാൾ  വീഴ്ത്തവേ 
കൈവിളങ്ങേകിയെൻ ല   കണ്ണുനീർ  വീഴ്ത്തവേ
എന്നെ  മാറോടു  ചേർത്തേശു   നീ

ആരിലും കുറ്റം  കാണാതിരിക്കാൻ
ആത്മാർത്ഥമായി   ഞാൻ  ശ്രമിച്ചു 
ആർദ്രതയോടെ  അലിവുള്ള  സ്നേഹം
നൽകാനായോടിയെൻ   നാഥൻ
എന്നെ  ഒഴിവാക്കുവാനുള്ള   പഴുതു  നോക്കി
വഴിയടച്ചൊതുക്കാൻ  കെണിയൊരുക്കിടുന്നു
എന്നെ  കുരിശാൽ  മറച്ചേശു   നീ  (നീ  ചെറുതായീശോ  )

Pavanaathmaave nee varename lyrics malayalam

For lyrics in English click here

(പാവനാത്മാവേ  നീ  വരേണമേ 
മാനസമണിക്കോവിലിൽ 
നായക  ഞങ്ങൾ  നാവിനാലങ്ങേ 
സ്നേഹ സംഗീതം  മീട്ടുന്നൂ)-2 

(നിൻ  പ്രകാശത്തിൻ  രശ്മിയാലെന്റെ  
അന്ധകാരമകറ്റണെ)-2
(നിന്റെ  ചൈതന്യ  ശോഭായാലുള്ളം
സുന്ദരമാക്കി  തീർക്കണെ)-2  

(രോഗമുള്ളവർ  സൗഖ്യമാക്കുക 
ഭീതിയിൽ  ധൈര്യം  നൽകുക )-2
(ആറി  പോയതിൽ  ചൂട്  നൽകുക 
വാടുന്നേവം  നനയ്ക്കുക)-2 

Parishudhathmavu niranjavale parishudha mariyame lyrics malayalam

For lyrics in Malayalam click here

പരിശുദ്ധാത്മാവ്  നിറഞ്ഞവളെ 
പരിശുദ്ധ  മറിയമേ 
പരിശുദ്ധാത്മാവ്  നിറഞ്ഞവരായിടാൻ  ഞങ്ങൾക്കായി  പ്രാർത്ഥിക്കണേ (2)
ആദിമസഭയിൽ  സ്ലീഹന്മാരിൽ  ആത്മാവ്  നിറഞ്ഞതുപോലെ 
നിന്മക്കളിലും ആത്മാവ്  നിറയാൻ  ഞങ്ങൾക്കായി  പ്രാർത്ഥിക്കണേ 

നിൻ  അഭിവാദനം  കേട്ടനിമിഷത്തിൽ 
എലിസബത്  ആത്മാവ്  നിറഞ്ഞവളായി 
നിൻമക്കൾ  ചാരെ  വന്നീടുക  നാഥേ 
ഞങ്ങളിൽ  ആത്മാവ്  നിറയുവാനായ് (2)
ആദിമസഭയിൽ  ശ്ലീഹന്മാരിൽ  ആത്മാവ്  നിറഞ്ഞതുപോലെ 
നിന്മകളിലും  ആത്മാവ്  നിറയാൻ  ഞങ്ങൾക്കായി  പ്രാർത്ഥിക്കണേ 

ദൈവാത്മാവിനാൽ   നയിക്കപ്പെടാനൊന്നും
ദൈവത്തിൻ  പൈതലായ്  ജീവിക്കുവാൻ 
യേശുവിൻ  സ്നേഹത്തിൻ  സാക്ഷിയായി  തീരുവാൻ  അമ്മെ  ഞങ്ങൾക്കായി  പ്രാർത്ഥിക്കുക (2)
ആദിമസഭയിൽ  ശ്ലീഹന്മാരിൽ  ആത്മാവ്  നിറഞ്ഞതുപോലെ  
നിന്മക്കളിലും ആത്മാവ്  നിറയാൻ  ഞങ്ങൾക്കായി  പ്രാർത്ഥിക്കണേ 

വരദാനങ്ങളും  ആത്മഫലങ്ങളും 
ഞങ്ങളിൽ  സമൃദ്ധമായിടുവാൻ 
പരീക്ഷകളെയും  പ്രലോഭനത്തെയും 
ആത്മാവിൻ  ശക്തിയാൽ  ജയിച്ചീടുവാൻ  (2)
ആദിമസഭയിൽ  ശ്ലീഹന്മാരിൽ  ആത്മാവു നിറഞ്ഞതുപോലെ 
നിന്മകളിലും  ആത്മാവ്  നിറയാൻ  ഞങ്ങൾക്കായി  പ്രാർത്ഥിക്കണേ 

പരിശുദ്ധ മറിയമേ
ഞങ്ങൾക്കായി  പ്രാർത്ഥിക്കണേ 
പരിശുദ്ധാത്മാവിന്റെ  മണവാട്ടിയെ
ഞങ്ങൾക്കായി  പ്രാർത്ഥിക്കണേ 

Krushithane udhithane marthyane kathidane lyrics malayalam

For lyrics in English click here

ക്രൂശിതനെ .. ഉത്ഥിതനെ .. മർത്യനെ   കാത്തിടണേ   .. (2)
എന്നെ  പൊതിഞ്ഞു  പിടിക്കണമേ .. തിന്മ  കാണാതെ  കാക്കണമേ  (2)
ഈശോ  നിൻ  ഹൃത്തിനുള്ളിൽ .. ഈശോ  നിൻ  മേലങ്കിക്കുള്ളിൽ … (2)
ഈശോയെ  നിൻ  രൂപം , കാണുമ്പോൾ  എൻ  മുഖം , ശോഭിതം  ആകും
ഈശോയെ  നീ  എന്നിൽ , വാഴുമ്പോൾ  എൻ  ഉള്ളം , സ്വർഗ്ഗമായി  തീരും ..
ക്രൂശിതനെ .. ഉത്ഥിതനെ .. മർത്യനെ  കാത്തിടണേ ..
കാനായിലെ , കൽഭരണി ..പോൽ വക്കോളം  നിറച്ചു  ഞാനും.. (2)
ഈ  പച്ചവെള്ളം , വാഴ്ത്തീടുമോ .. മേൽത്തരം  വീഞ്ഞാക്കുമോ .. (2)
നീ  വരും  വഴിയിലെ  മാമരത്തിൽ , കാണാൻ  കൊതിച്ചു  ഞാൻ   കാത്തിരിക്കാം

കൂട്ടം  പിരിഞ്ഞൊരു  കുഞ്ഞാടിനെ , തോളിലേറ്റി  വീട്ടിൽ  വന്നിടുമോ ..
തയ്യിൽ  കൂടാതമ്മ, നെയ്തൊരു  മേലങ്കിയാൽ , എന്നെ  പൊതിഞ്ഞിടുമോ
നിൻ  പാർശ്വത്തിൽ  നിന്നൊഴുകും , വെള്ളത്താൽ  എന്നെന്നും , എന്നെ  കഴുകിടുമോ

കൈയ്യെത്താ  ദൂരത്തേൻ  സ്വപ്‌നങ്ങൾ   നിൽകുമ്പോൾ , 
വാങ്ങി  തരാൻ വരുമോ ..
കല്ലേറ്  ദൂരം  ഞാൻ  രക്തം  വിയർക്കുമ്പോൾ , മാലാഖമാർ  വരുമോ ..
ചിരിക്കാൻ  കാരണം  ചികയുമ്പോൾ , ജീവിക്കാൻ  കാരണം  തിരയുമ്പോൾ 
തോളത്തു  മയങ്ങിയോർ  മറക്കുമ്പോൾ , തൊലിയുരിയുമ്പോൾ  പറിക്കുമ്പോൾ
നിൻ  ചിരിക്കും  മുഖവും , വിരിച്ച  കരവും , മറക്കാൻ  പറഞ്ഞുവെല്ലാം
രക്തം  വിയർത്ത  മുഖവും , മുറിഞ്ഞ  ശിരസ്സും , ക്ഷെമിക്കാൻ   പറഞ്ഞുവെല്ലാം
 ക്രൂശിതനെ  .. ഉത്ഥിതനെ .. മർത്യനെ  കാത്തിടണേ  ..

Maname maname unaru lyrics malayalam

for lyrics in English click here

മനമേ  മനമേ  ഉണരൂ 

പ്രിയനേ  പ്രിയനേ  വാഴ്ത്താൻ (2)

പകലിൽ  രാവിൽ  ചിരിയിൽ  നോവിൽ

എൻ  ശ്വാസം  പോലും   സ്തുതിയായ്  ഉയരും (മനമേ  മനമേ )

ഞാൻ  ഓർക്കാത്തൊരുനേരം

ഞാൻ  മിണ്ടാത്തൊരുനേരം

നിൻഹൃദയം നീറി  തളർന്നു

ഞാൻ  നോക്കാത്തൊരുനേരം

ഞാൻ  കേൾക്കാത്തൊരുനേരം

നിൻഹൃദയം  ഏറെ   മുറിഞ്ഞൊ

മറ്റാർക്കും  ഇല്ലാത്ത  സൗന്ദര്യമേ 

മറ്റെങ്ങും  ഇല്ലാത്ത  ആശ്വാസമേ  (2) (മനമേ  മനമേ )

ഇതൾവിരിയുന്നൊരു   മലരും 

ഇതൾപൊഴിയുന്നൊരു മലരും  

നിൻഹൃദയേ  സ്തുതി  പാടുകയായി

മിഴി  പൂക്കുന്നൊരു  സന്ധ്യ 

ശ്രുതി  നീട്ടുന്നത്  പോലെ 

നിൻസ്തുതി  കീർത്തനമല്ലോ   നാഥാ 

മറ്റാർക്കും  ഇല്ലാത്ത  സൗന്ദര്യമേ 

മറ്റെങ്ങും  ഇല്ലാത്ത  ആശ്വാസമേ

Uruki Uruki theernidam lyrics malayalam ഉരുകി ഉരുകി തീർന്നിടാം

For lyrics in English click here

ഉരുകി ഉരുകി തീർന്നിടാം 

ഒരു മെഴുകുതിരി പോൽ ഞാൻ

എന്റെ ഉള്ളിൽ നീ വരാനായ്

കാത്തിരിപ്പൂ ഞാൻ)  2 

ആത്മനാഥാ ഇന്നെൻ മാനസത്തിൻ 

വാതിൽ തുറന്നീടുന്നു 

സ്നേഹനാഥാ ഹൃത്തിൻ സക്രാരിയിൽ

നീ വന്നു വാഴേണമേ]

ഓസ്തിയായ് ഇന്നു നീ ഉള്ളിലണയും നേരം

എന്തു ഞാൻ നന്ദിയായ് നൽകിടേണം ദൈവമേ

നിന്നിൽ ഒന്നലിഞ്ഞീടുവാൻ

നിന്നിൽ ഒന്നായി തീരുവാൻ

കൊതി എനിക്ക് ഉണ്ട് ആത്മനാഥനെ (ഉരുകി..)

ഇടറും എൻ വഴികളിൽ കാവലായി നിൽക്കണേ 

അഭയമേകി എന്നെ നീ അരുമയായ് കാക്കണേ

സ്നേഹമായണയേണമേ  

ഉള്ളിൽ നീ നിറയേണമേ

ഇടയസ്നേഹമേ കനിവിൻ ദീപമേ   ഉരുകി..

C

Cheruthakumee apathin ullil lyrics malayalam ചെറുതാകുമീ അപ്പത്തിനുള്ളിൽ

For lyrics in English click here

ചെറുതാകുമീ അപ്പത്തിനുള്ളിൽ

വലുതാകുമാ സ്നേഹം തന്ന്

ഒരു തുള്ളി മുന്തിരി ചാറിൽ നാഥൻ

കടലോളം സ്നേഹം നിറച്ചു

നിത്യമാം ജീവൻ ചൊരിഞ്ഞു)-2

(മുറിയും ഹൃദയത്തിൽ

മുറിയാത്തൊരു സ്നേഹം

ചിതറും രക്തത്തിൽ 

പതറാത്തൊരു ത്യാഗം) – 2]

(ജീവൻ തുടിക്കുമീ കുർബാന

കൈക്കൊള്ളുമെന്നിൽ ജീവാമൃതം) - 2 

(കാത്തിതാ നിൽപ്പൂ നിന്നാഗമനം

ധന്യമായി തീരുന്നു ഈ നിമിഷം) -2 (മുറിയും..)

(നിന്നിൽ നിന്നും അകലാതെ

കരുതേണമേ പൊൻസ്‌നേഹമേ) - 2 

(ദൂരെയകന്നാലും തേടിയെത്തി

തിരികെ നടത്തുന്ന കാരുണ്യമേ) -2

(മുറിയും..) ചെറുതാകുമീ..

Amma yenna randaksharathil lyrics in malayalam അമ്മയെന്ന രണ്ടക്ഷരത്തിൽ

അമ്മയെന്ന രണ്ടക്ഷരത്തിൽ 

സ്നേഹമെല്ലാം പൊതിഞ്ഞു വച്ച് 

മാനവർക്ക് പകുത്തു നൽകി 

ദൈവം അലിവോടെ 

ദൈവത്തിന്റെ അമ്മയായീടാൻ

മറിയത്തെ തിരഞ്ഞെടുത്തു 

സ്വർഗ്ഗത്തിലും കരുതി വച്ച് 

അമ്മയുടെ സ്നേഹം 

അമ്മയോട് ചേർന്ന് ഞങ്ങൾ ദൈവത്തെ വാഴ്ത്തിടുന്നു 

അമ്മയിൽ നിത്യവും ഞങ്ങൾ 

മാധ്യസ്ഥം തേടിടുന്നു 

ആവേ ആവേ മരിയ (4)

ഭക്തിയാൽ അലിഞ്ഞു നിൽക്കും 

അമ്മയെന്ന സ്നേഹ തീർത്ഥം 

ക്ലേശത്തിലും ശാന്തയായി 

മാതാവേ നിന്നെ വണങ്ങും 

അമ്മയെല്ലാം കണ്ടിടുന്നു 

മാതാവേ നിൻ ദിവ്യ രൂപം 

മക്കൾക്കെല്ലാം ഒന്നുപോലെ 

ഇടം നൽകും മാനസം 

ഭൂമിയിൽ ശ്രേഷ്ഠം അതാ 

സ്നേഹം അതു മാതൃസ്നേഹം 

എന്തിനും ഏതിനുമേ 

തുണയായി അമ്മ വേണം 

ഉണ്ണിയീശോതൻ ജീവിതത്തിൽ 

നിത്യം തുണയായോരമ്മേ 

എന്നേരവും മൃത്യുവിലും 

തുണ ഞങ്ങൾക്ക് ഏകണമേ 

        അമ്മയെന്ന... 

Mary manonje daiva mathave malayalam lyrics മേരി മനോജ്ഞേ ദൈവ മാതാവേ

For English lyrics click here

മേരി  മനോജ്ഞേ  ദൈവ മാതാവേ 

പാപികൾക്കാശ്രയം നീയേ

ഞങ്ങൾക്ക അഭയം നീയേ (2) 

   

പാപത്തിൻ ചുഴിയിൽ അലയുന്ന ഞങ്ങൾ

ആലംബം നിന്നെ തേടിടുന്നു (2)

ഉൾക്കരം നീട്ടി ശാന്തി തൻ നാട്ടിൽ 

ആനയ്ക്കു ഞങ്ങളെ (2)

മേരി  മനോജ്ഞേ   ദൈവ മാതാവേ 

പാപികൾക്കാശ്രയം നീയേ

ഞങ്ങൾക്കു അഭയം നീയേ 

നിർമ്മലമാം നിൻ ചേവടിയിൽ 

ആശ്രയം തേടിടുന്നു  ഈ പതിതർ  (2)  

സ്വർഗീയ ഭാഗ്യം തേടുന്നു ഞങ്ങൾ 

ആനയ്ക്കു ഞങ്ങളെ(2)  

  

മേരി  മനോജ്ഞേ  ദൈവ മാതാവേ 

പാപികൾക്കാശ്രയം നീയേ

ഞങ്ങൾക്കു അഭയം നീയേ

Akkarakku yaathra cheyum lyrics in malayalam അക്കരയ്ക്കു യാത്രചെയ്യും

അക്കരയ്ക്കു യാത്രചെയ്യും സീയോൻ സഞ്ചാരീ 

ഓളങ്ങൾ കണ്ടു നീ ഭയപ്പെടേണ്ട 

കാററിനെയും കടലിനെയും 

നിയന്ത്രിപ്പാൻ കഴിവുള്ളാൻ പടകിലുണ്ട്

വിശ്വാസമാം പടകിൽ യാത്ര ചെയ്യുമ്പോൾ 

തണ്ടു വലിച്ചു നീ വലഞ്ഞിടുമ്പോൾ 

ഭയപ്പെടേണ്ട കർത്തൻ കൂടെയുണ്ട് 

അടുപ്പിക്കും സ്വർഗ്ഗീയ തുറമുഖത്ത്

അക്കരെ.

എൻറ ദേശം ഇവിടെയല്ല.

ഇവിടെ ഞാൻ പരദേശവാസിയാണല്ലോ 

അക്കരെയാണ് എന്റെ ശാശ്വതനാട് 

അവിടെനിക്കൊരുക്കുന്ന ഭവനമുണ്ട്

അക്കരെ.

കുഞ്ഞാടതിൻ വിളക്കാണ് 

ഇരുളൊരു ലേശവുമവിടെയില്ല 

തരുമെനിക്ക് കിരീടമൊന്ന് 

ധരിപ്പിക്കും അവനെന്നെ ഉൽസവവസം അക്കരെ

Meghangalkidayil prabhatha taram pole lyrics in malayalam മേഘങ്ങള്‍ക്കിടയില്‍ പ്രഭാത താരം പോലെ

For lyrics in English  click here

മേഘങ്ങള്‍ക്കിടയില്‍ പ്രഭാത താരം പോലെ

അത്യുന്നതന്‍റെ ഗേഹത്തിനു മീതെ

ജ്വലിക്കുന്ന സൂര്യനെപ്പോലെ

ഉത്സവവേളയില്‍ വിളങ്ങുന്ന പനിമതി പോലെ

മാതേ മരിയേ നീയന്‍റെ മനസ്സിന്‍റെ ദീപം

ഓ...മാതേ മരിയേ നീയന്‍റെ മനസ്സിന്‍റെ ദീപം //2

തിളങ്ങുന്ന മേഘങ്ങള്‍ക്കിടയില്‍

വിളങ്ങുന്ന മഴവില്ല് പോലെ

വസന്തത്തില്‍ പനിനീര്‍പ്പോ പോലെ

നീര്‍ച്ചാലിന്‍ അരികില്‍ ലില്ലിപോലെ

മാതേ മരിയേ നീയന്‍റെ മനസ്സിന്‍റെ ദീപം

ഓ...മാതേ മരിയേ നീയന്‍റെ മനസ്സിന്‍റെ ദീപം

ചുടുവേനലില്‍ ലെബനോന്‍റെ

മണ്ണിലെ പച്ചപ്പ്‌ പോലെ

ധൂപകലശത്തില്‍ പുകയും

നറു സുഗന്ധദ്രവ്യം പോലെ

മാതേ മരിയേ നീയന്‍റെ മനസ്സിന്‍റെ ദീപം

ഓ...മാതേ മരിയേ നീയന്‍റെ മനസ്സിന്‍റെ ദീപം

Ethrayum dayayulla mathave lyrics in malayalam എത്രയും ദയയുള്ള മാതാവേ ചൊല്ലി

എത്രയും ദയയുള്ള മാതാവേ ചൊല്ലി

ബാല്യം മുതലേ ഞാൻ വളർന്നു

എന്നുടെ നിഴലായി നിത്യസഹായമായി

മാതാവെന്നും കൂടെ വന്നു

മാതാവിൻ ചിത്രമുള്ള ഉത്തരീയം

അമ്മച്ചിയെന്നെന്നെ അണിയിച്ചു

മാതാവെന്നും നിന്നെ കാത്തുകൊള്ളും കുഞ്ഞേ

വാത്സല്യമായി കത്തിൽ മന്ത്രിച്ചു

അമ്മച്ചി മാതാവിന് ജപമാലയൊരെണ്ണം

എൻ കുഞ്ഞു കൈകളിൽ വാങ്ങി തന്നു

മുത്തുകളെണ്ണിയ പ്രാർത്ഥനക്കാർത്തകൾ

ഭക്തിയോടെൻ കത്തിൽ പറഞ്ഞു തന്നു

സന്ധ്യക്ക്‌ മാതാവിന് രൂപത്തിൻ മുൻപിൽ

തിരിവച്ചു കൈകൾ ഞാൻ കൂപ്പി നിന്നു

ജപമാല ചൊല്ലുമ്പോൾ എൻ കൊച്ചു ഹൃദയത്തിൽ

ഈശോയും മതവും നിറഞ്ഞു നിന്നു

മാതാവിൻ വണക്കമാസം വരും നാളിൽ

വീട്ടിലെന്താഘോഷമായിരുന്നു .

പ്രാർത്‌ഥനാ മുറിയെല്ലാം പൂമാല കോർത്തിടും

പ്രാർത്‌ഥനാ ഗീതികൾ ആർത്തുപാടും .

നിത്യസഹായ നൊവേനകൾ ചൊല്ലി

ഭക്തിയായ് മാതാവിനെ വണങ്ങി .

മാതൃവാത്സല്യമാം സ്നേഹം നുകരാൻ

മാതാവിൻ മടിയിൽ ഞാൻ ചാഞ്ഞുറങ്ങി

ഈശോയിലേക്കുള്ള പാതകൾ എന്നും

മാതാവെനിക്കായി കാട്ടി തന്നു

പാപത്തിൽ വീഴാതെ നന്മ ചെയ്തീടും

കാര്യങ്ങളെല്ലാം പറഞ്ഞു തന്നു

ഈശോയിൽ നിന്നു അനുഗ്രഹങ്ങൾ

മാതാവെനിക്കായി വാങി തന്നു

ഈശോതൻ സമ്മാനമായ മാതാവിനെ

ഞാനെന്നും ജീവനായി സ്നേഹിക്കുന്നു